Wele'r hen adal, du dy hanes,
Du gan fwg prysurdeb gwaith;
Ac mae'r olaf un ohonynt
Heddiw'n ddistaw dyma'r ffaith;
Nid oes neb o fewn yr adal,
Neb ychwaith ar dir yr byw,
Sydd yn cofio'r fath ddistawrwydd
Swn pob peiriant marw yw.

Nant y Moch a'r Gadlys hynod,
Lle bu todi plwn cyn hyn,
Nifer lawer o hen byllau,
Olion rhai'r sydd ar bob bryn;
Waeth i mi heb ddechreu rhifo
Cyn ein geni ni bu rhain,
Tra mae hen aradr amser
Wedi cuddio'r oll yr drain.

(Tachweddfab - George Tattum)